په نوي ډیلي کې د افغانستان اسلامي جمهوریت لوی سفیر ډاکټر شیدا محمد ابدالي، د روان کال د اګست میاشتې په ۳ یمه نېټه  د "له ګاونډیو هېوادونو سره د هند اتصال ته لاسرسی" په نوم کنفرانس کې چې د ویویکندا نړیوال بنسټ (Vivekanda International Foundation) له لوري د هندي صنایعو اتحادیې (Confederation of Indian Industry) په همکارۍ جوړ شوی وو، ګډون وکړ.

د دې کنفرانس موخه له ګاونډیو هېوادونو سره د هند د اتصال اړوند پرمختګونو په اړه د خبرو کول وو.

په نوموړي کنفرانس کې ډاکټر ابدالي خپل اندونه د "اتصال-د رېل او سړک په وسیله یو بل سره نښلول" موضوع په اړه څرګند کړ. افغان سفیر د افغانستان په پرمختګ کې د سولې پر شتون د لومړني عنصر په توګه ټینګار وکړ.

ډاکټر ابدالي د خپلو خبرو په ترڅ کې د افغانستان د رېل  پټلۍ او سړکونو د اتصال اړوند پروژو په اړه مالومات وړاندې کړل. افغان سفیر د رېل پټلۍ د پنځو هېوادونو  پروژو، چابهار بندر، د ملي لویو لارو پروژې، د Belt-and-Road نوښت، Lapis Lazuli، د افغانستان او هند ترمینځ د هوايي دهلیز پروګرام، د  Trans-Hindukush سړک د اتصال پروژې او داسې نورو پروګرامونو په اړه خبرې وکړې او د دې پروژو له لارې یې د اتصال پر ارزښت ټینګار وکړ.

د سولې په رامینځ ته کولو کې د افغانستان د هڅو په اړه افغان سفیر د نړیوالې ټولنې د مرستو او همکاریو د دوام هیله څرګنده کړه.  

د افغان سفیر په وینا اوس مهال په افغانستان کې د سیمې د ننه سوداګرۍ او ټرانزيټ ته په اشارې سر د دې موضوع په برخه کې پرمختګونو په اړه خبرې وکړې او زیاته یې کړه: "افغانستان د رېل پټلۍ نیټورک د جوړولو په برخه کې پراخ لیدلوری لري. په دې اړه د تېرو دوو کلونو په ترڅ کې له هند سره خبرې اترې روانې دي او د تخنیکي مرستو لپاره به د افغانستان او هند ترمینځ تړون ډېر ژر لاسلیک شي."

افغان سفیر زیاته کړه چې موږ له نړۍ سره د اتصال لپاره ډېر پلانونه لرو. موږ ښايي د پرمختیايي زېربنا په برخه کې پانګونه وکړو چې وروسته له هغې به بیا وتوانېږو تر څو د سیمې  یو ځای کولو هدف ته ورسېږو.

 

 

 

په نوي ډیلي کې د افغانستان اسلامي جمهوریت لوی سفیر ډاکټر شیدا محمد ابدالي، د روان کال د اګست میاشتې په دویمه نېټه په نوي ډيلي کې د علامه سید جمال الدین افغان ښوونځي نوی ښوونیز کال پرانیستلو.

په پیل کې افغان سفیر زده کوونکو او د ښوونځي ادارې ته د نوي ښوونیز  کال د پیلیدو لپاره مبارکي وویله. د افغانستان اوسنیو سیاسي حالاتو ته په اشارې سره، ډاکټر ابدالي زده کوونکي وهڅول تر څو خپلو زده کړو ته دوام ورکړي تر څو په ژوند کې خپلې موخې ترلاسه کړي او د افغانستان د پرمختګ په برخه کې ونډه واخستلی شي.

د نوموړي ښوونځي تعلیمي کال د ښوونځي د زنګ په وهلو سره پرانیستل شو او په تعقیب سره یې افغان سفیر له ټولګیو څخه کتنه ترسره کړه او له زده کوونکو سره یې خبرې وکړې.

له زده کوونکو سره د خبرو په ترڅ کې ډاکټر ابدالي دوی ته د هغو ښوونیزو خپرونو په اړه خبر ورکړ چې ټاکل شوې د هندي ښوونځیو او ښوونیزو بنسټونو په همکارۍ سره د افغان زده کوونکو د پوهې کچې د اوچتولو او په سیالیزو غونډو کې د برخې اخیستلو په موخه په لار واچول شي.

ډاکټر ابدالي همداراز د ښوونځي له ادارې څخه هم د ځوان افغان استعدادونو د روزنې لپاره مننه وکړه او په زده کوونکو یې غږ وکړ چې د افغانستان راتلونکی پر ځوان نسل ولاړ دی او دا د ځوان نسل مسولیت دی تر څو هېواد د سولې، پرمختګ او هوساینې په لور بوزي.

 

 

 

په نوي ډیلي کې د افغانستان اسلامي جمهوریت لوی سفیر ډاکټر شیدا محمد ابدالي، د روان زېږدیز کال د اګست په لومړۍ نېټه په نوي ډيلي کې د افغان سیک او اهل هنود له استازو سره د سفارت په بلخ تالار کې وکتل.

د دې ناستې موخه په افغانستان کې د سیک او اهل هنود د اړتیاوو، ستونزو او ستونزو ته یې د حل لارو د موندلو په اړه د خبرو اترو کول وو.

په پیل کې افغان سفیر د ناستې ګډونوالو ته ښه راغلاست وویلو او یو ځل بیا یې د ننګرهار ولایت د جلال آباد په ښار کې د چادونې له امله د یو شمېر سیک او اهل هنود وطنوالو د له لاسه ورکولو په اړه خواشیني څرګنده کړه. ډاکټر ابدالي وویل چې افغان حکومت په افغانستان کې د اقلیتونو د خوندیتوب په برخه کې ژمن دی او د دوی د امنیت د ټینګولو لپاره عامه اندونو او سپارښتنو ته سترګې په لار دی تر څو وکولی شي په دې برخه کې اقدام وکړي.

د دې ناستې په ترڅ کې د غونډې ګډونوالو د افغانستان له حکومت څخه وغوښتل تر څو په افغانستان کې د سیک او اهل هنود سپېڅلي ځایونه راجستر کړي. په ځواب کې افغان سفیر دوی ته د افغانستان جمهوري دولت د حج او اوقافو وزارت د اړوند پلان په اړه خبر ورکړ چې ډېر ژر به پلی شي.

په نوي ډيلي کې د افغان سیک او اهل هنود استازو همداراز د افغان تذکرو د لاسته راوړلو په برخه کې خپلې ستونزې شریکې کړې او له افغان سفارت څخه یې په دې برخه کې مرسته وغوښتله. افغان سفیر د غونډې ګډونوالو ته د هغه هیئت په اړه خبر ورکړ چې ډېر ژر به هند ته سفر وکړي او د دوی د هویت له تثبیت څخه وروسته ورته افغان تذکرې توزیع کړي.

د یادونې وړ ده چې نریندر سینګ، د اوتار سینګ زوی د خپل مرحوم پلار په ځای پارلماني ټاکنو ته نوماند شوی دی.

 

 

 

په نوي ډیلي کې د افغانستان اسلامي جمهوریت لوی سفیر ډاکټر شیدا محمد ابدالي، د روان کال د جولای میاشتې په ۲۶ مه نېټه د بي جي پي حزب له ملی منشي او د ډیلي د قانوني شورا غړي آر پي سینګ سره په خپل کاري دفتر کې وکتل.

د دې ناستې موخه د افغانستان او هند تر مینځ د دوه اړخیزه اړیکو او همداراز د دواړو هېوادونو د خلکو ترمینځ د اړیکو د لاپیاوړتیا په اړه خبرې کول وو.

په پیل کې، د بي جي پي حزب ملي منشي ته د ښه راغلاست ویلو څخه وروسته افغان سفیر د افغانستان او هند تر مینځ د تاریخي او فرهنګي اړیکو په اړه خبرې وکړې چې د تاریخ په اوږدو کې یې دواړه هېوادونه سره نغښتي.

د دې ناستې په ترڅ کې د بي جي پي حزب ملي منشي د دواړو هېوادونو تر مینځ د اړیکو د لاپیاوړتیا په موخه د خپلو لا ډېرو همکاریو وړاندیز وکړ.

د افغانستان په پرمختګ کې د هند له ونډې او مرستو څخه په مننې سره افغان سفیر د بي جي پي حزب ملي منشي وړاندیز ته هرکلی وویلو او ژمنه یې وکړه تر څو د دواړو هېوادونو د اړیکو د پیاوړتیا په موخه خپلو هڅو ته دوام ورکړي.

 

 

په نوي ډیلي کې د افغانستان اسلامي جمهوریت لوی سفیر ډاکټر شیدا محمد ابدالي، د روان کال د جولای میاشتې په ۲۴ مه نېټه د هندي سوداګرو د سوداګرۍ خونو (Indian Merchant Chamber of Commerce) له عمومي مشر اجیت منګلورکر، د دې بنسټ له عمومي مرستیال سنجی میهتا او مرستیال ویپال سریواستوا سره وکتل.

د دې ناستې موخه د هوساینې په لور لار (Passage to Prosperity)‌نندارتون په اړه چې ټاکل شوې  د هندي سوداګرو د سوداګرۍ خونو په همکارۍ سره د روان کال د سپټمبر له ۱۲ څخه تر ۱۵ مې نېټې پورې د هند جمهوریت په ممبۍ ښار کې جوړ شي، خبرې کول وو. په دې ناسته کې د هوساینې په لور لار نندارتون په اړه چې د افغانستان سوداګرۍ خونو (ACCI) او هندي سوداګرو د سوداګرۍ خونو تر مینځ د ګډې سوداګرۍ خونې د جوړېدو په موخه به د تړون لاسلیک کېدو ته لار پرانیزي، خبرې وشوې.

افغان سفیر د خپلو خبرو په ترڅ کې د (په افغانستان کې تولید شوي) نندارتون په اړه چې څو ورځې د مخه په نوي ډیلي کې جوړ شوی وو او د افغانستان او هند تر مینځ د ۷۰ میلیونو امریکايي ډالرو عاید د لاسته راړولو لامل شو، یادونه وکړه. ډاکټر ابدالي همداراز د تېر کال هوساینې په لور لار نندارتون په اړه چې په پایله کې یې تر ۵۰ ملیونو امریکايي ډالرو تړونونه لاسلیک شول هم خبرې وکړې.

د افغانستان او هند تر مینځ سوداګریزو اړیکو ته په اشارې سره افغان سفیر وړاندیز وکړ تر څو د هندي سوداګرو د سوداګرۍ له خونو سره اړیکې د دواړو هېوادونو د اقتصادي ګټو او همداراز د هند نورو ښارونو ته د ورته همکاریو د پراخېدو په موخه اړیکې لا پیاوړې شي.

د هندي سوداګرو د سوداګرۍ خونې په پام کې لري چې د هوساینې په لور لار نندارتون ته ورته د ښځو د پیاوړتیا او طبي سیاحت دوې ناستې هم جوړې کړي. همداراز په پام کې ده چې نوموړی بنسټ په ممبۍ ښار کې دوه رسنیز کنفرانسونه د روان کال د اګست میاشتې په ۳۰ مه نېټه جوړ کړي تر څو د هوساینې په لور لار نندارتون په اړه چېرې چې افغان سفیر به پکې د ځانګړي مېلمه په توګه وینا وړاندې کوي، خبرې اترې وشي.