په نوي ډیلي کې د افغانستان اسلامي جمهوریت سفارت د هند د اسلامي او کلتوري اړیکو بنسټ په همکارۍ د ۱۳۹۸ لمریز کال د غویې میاشت په ۱۳ مه نېټه په نوي ډیلي کې ګډه مشاعره جوړه کړه چې د دواړو هېوادونو څخه دولتي چارواکو، د پښتو، دري ، اردو او هندي ژبو ګڼ شمیر نامتو ادیبانو، شاعرانو، لیکوالانو او د هنر مینه والو په کې ګډون کړي وو.

د مشاعري په پیل کې د دې سفارت شارژدافیر، ښاغلي محمد خیرالله آزاد د دواړو هېوادونو ګډي کلتورې هڅي وستایلي او د اسې نوښتونو د لا پراختیا ژمنه یې وکړه. نوموړي زیاته کړه چې د دواړو هېوادونو په همکاریو او هڅو د ادبي غونډو په جوړولو سره د کلتوري ارژښتونو لمنه لا نوره پراخه او سمسورتیا مومي.

وروسته د هند اسلامي او کلتوري بنسټ رییس ، ښاغلي سراج قریشي هم وینا وکړه او د دواړو هېوادونو په کلتوري ارزښتونو باندې یې رڼا واچوله.

د دې سفارت کلتوري اتشي ، ښاغلی اجمل عالمزي د مېلمنو د راتګ څخه مننه وکړه او دا ډول مشاعري او ادبي غونډي یې د دوه اړخیزه کلتوري اړیکو څخه د نوي نسل په خبرتیا کې ګټوري وبللي.

په پای کې د افغانستان د اطلاعاتو او کلتور وزارت هغه شپږ تنه هندي پوهان چې د ژبو په وده او پرمختک کې یې خورا ډیر زیار ګاللی، وستایل. تمه ده چې په نږدي وخت کې به دې شپږو تنو ته د ولسمشرۍ ماڼۍ له لوري مډالونه هم ورکړل شي.

۵ حمل ۱۳۹۸

نوی ډيلی- د افغانستان اسلامي جمهوريت سفارت او د هند-افغانستان بنسټ په مرسته د ۱۳۹۸ کال د نوروز جشن د جواهر لال نهرو پوهنتون په انګړ کې ونمانځل شو

دا غونډه چې په هند کې د افغانستان اسلامي جمهوريت سفارت شارژدافير، ښاغلي محمد خېرالله آزاد سربېره د جواهر لال نهرو پوهنتون مرستيال، د نوموړي پوهنتون د پښتو او دري ژبو پوهنځيو مسؤلینو، استادانو او زده کوونکو هم پکې ګډون کړی وو، د نوروز د لرغونتوب په اړه د دې پوهنتون د پښتو او دري ژبو زده کوونکو له لوري د مقالو او پسرلنۍ ترانو په لوستلو ، تمثيلي پارچو او موسيقي په غږولو سره ونمانځل شوه

د دې سفارت شارژدافير، ښاغلي محمد خېرالله آزاد د خپلې وينا په ترڅ کې د نوروز په لرغونتوب رڼا واچوله او دا يې د لرغوني بلخ څخه راپورته شوی جشن وګاڼه چې د پخوا زمانو راهيسي يې خلک د ژمي په پای کې د طبعيت د بيا غوړېدا، په بشري ټولنه کې د دوستۍ، محبت، د سولې او روغې جوړې په پار نمانځي

د نوي ډيلي په ساهتیا اکاډمۍ کې د روان کال د فبرورۍ د ۲۲ مې څخه تر ۲۴ نېټې پورې د سوېلي اسیا د کلتور پوهانو او لیکوالانو بنسټ له لوري د صوفیزم او بودیزم په اړه لمانځغونډه جوړه شوې وه، په دې غونډه کې د سوېلي اسیا په لسکونو کلتور پوهانو، څېړونکو او ادیبانو ګډون درلود.

په یاده غونډه کې د دې سفارت کلتوري اتشې، ښاغلي اجمل عالم زي هم ګډون کړی و. نوموړي د دې ډول غونډو جوړول د ادیانو په نږدېوالي او یووالي کې يو رغنده او ګټور ګام وباله.

هغه زیاته کړه، ټول ادیان په همغږۍ سره باید د ترهګرۍ، بنسټپالنې او تاوتریخوالي پر وړاندې يوه خوله شي او زیار وګالي تر څو د دې ناوړه پدیدې مخه ونيسي، ترهګرو ته اجازه ورنکړي چې د ادیانو تر سيوري لاندې خپلو کرغېړنو اعمالو ته ادامه ورکړي. صوفیزم د یو ښوونځي په توګه تل هڅه کړې ده تر څو د ریاضیت پر بنسټ د نړۍ د ټولو انسانانو تر منځ دوستي، محبت او ورورګلوۍ ته تبلیغ وکړي، دا ښوونځی هېڅ ډول ترهګرۍ او تاوتریخوالي باندې باور نه لري.

په پای کې د سارک غړو هېوادونو په استازیتوب ځینو څیړونکو او لیکوالانو هم د یادي پدېدې  په اړه خپلې مقالې څرګندونې ګډونوالو سره شرېکې کړې.

 

د هند په جمو کشمير کې د ترهګریز برید په تړاو د افغانستان اسلامي جمهوریت د بهرنیو چارو وزارت اعلامیه

۱۳۹۷ لمریز د سلواغی ۲۵ مه
کابل - د ا. ا. جمهوریت د بهرنیو چارو وزارت، د هند جمهوریت په جامو اوکشمیر کې ترهګریز برید په کلکه او شدیده توګه غندي.
د افغانستان اسلامي جمهوري دولت د هندوستان د څلویښت تنه پولیس ځواکونو د وژل کېدو له امله د هند جمهوريت خلکو او دوست هېواد ته د خواشېنۍ او تسلیت د مراتبو په څرګندولو سره، بیا هم لدې ګډ دشمن سره په مبارزه کې د هېوادونو په ډېرې نږدې همبستګۍ او همکارۍ باندی ټینګار کوي.

۲۵ دلو ۱۳۹۷

د افغانستان اسلامي دولت د پخواني رييس، ارواښاد حضرت صبغت الله مجددي د مړينې له کبله د پنجشنبې په ورځ د سهار له ۱۱ بجو څخه د مازیګر تر ۰۴ بجو پورې په نوي ډيلي کې د افغانستان اسلامي جمهوريت سفارت په انګړ کې د خواخوږۍ کتاب کېښودل شو

.په نوي ډيلي کې ګڼو مېشتو بهرنيو سفيرانو، ډېپلوماټانو او د نړېوالو مؤسساتو استازو په نوموړي کتاب کې د خپلې ژورې خواخوږۍ او همدردۍ پېغامونه وليکل