په نوي ډيلي کې د افغانستان اسلامي جمهوریت لوی سفیر ډاکتر شېدا محمد ابدالي، د روان زېږدیز کال د سپټمبر په ۲۰ مه نېټه په نوي ډیلي کې له مېشتو بهرنیو سفیرانو او ډیپلوماټانو سره د یوې تودیعي غونډې په ترڅ کې وکتل.
په دې غونډه کې د بهرنیو ډیپلوماټانو سربېره یو شمېر بهرنیو ژورنالیستانو، په هند کې مېشتو افغان محصلینو او ددې سفارت کارکوونکو هم ګډون کړی وو.
ښاغلي سفیر په خپله وینا کې وویل چې له دې مقام څخه یې د استعفا موخه په افغانستان کې د سولې او ټیکاو لپاره کار کول دي.
جلالتماب سفیر په یوه جلا ناسته کې افغان محصلینو سره وکتل او هغوئ یې وهڅول تر څو یوازې په خپلو زده کړو تمرکز وکړي او د بهرنیو زده کوونکو تر منځ د ګران هېواد نوم لا روښانه کړي.

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn