په نوي ډيلي کې د افغانستان اسلامي جمهوریت لوی سفیر ډاکټر شیدا محمد ابدالي، د روان کال د جولای میاشتې په ۴ مه نېټه د جلال آباد په وروستۍ خونړۍ پېښه کې د ۱۷ افغان سیکانو او اهل هنود د له لاسه ورکولو له امله د خواخوږۍ په موخه له افغان سیکانو او اهل هنود سره په هغه غونډه کې وکتل چې د ګرو ارجن دیف جي کابلي په ګردواره کې جوړه شوې وه.

افغان سفیر د خپلې وینا په ترڅ کې د افغان سیکانو او اهل هنود استازي او افغان پارلمان ته نوماند اوتار سینګ په شمول د ۱۷  افغان سیکانو او اهل هنود د لاسه ورکولو له امله خپله ژوره خواشیني څرګنده کړه. ډاکټر ابدالي وویل: "مرحوم اوتار سینګ یواځې د افغان سیکانو او اهل هنود نه، بلکې د ټول افغانستان استازی وو.

همداراز د مرحوم اوتار سینګ د شخصیت په اړه افغان سفیر وویل چې اوتار سینګ ریښتینی افغان او وطنپاله انسان وو چې لار به یې د ټولو نورو افغانانو له لوري تعقیب شي.

ډاکټر ابدالي په همدې توګه په افغان سیکانو او اهل هنود باندې غږ وکړ تر څو د خپل ځان لپاره بل استازی وټاکي او په راتلونکو پارلماني ټاکنو کې د مرحوم اوتار سینګ په ځای نوماند شي.

د یادونې وړ ده چې په دې غونډه کې په نوي ډیلي کې د افغانستان اسلامي جمهوریت لوی سفارت یو شمېر ډیپلوماتانو هم ګډون کړی وو.

 

 

 

 

 

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn