د قونسلی څانګی محترمو مراجعینو د پام وړ:
د هند په هیواد کی د افغانستان اسلامی جمهوریت سفارت ټولو محترمو مراجعینو ته په درنښت خبر ورکول کیژی چی د کرونا ویروس و خپریدو او زیاتوالی او تر څنګ ستاسو د صحت او سلامتیا په پام کی نیولو په خاطر / له امله د سفارت د قونسلی څانګه د ۱۳۹۸ حوت د میاشتی د ۲۶ نیټی نه تر بیا خبرتیا پوری محدود کری. محترمو مراجعین دی خبر اووسی.
د بیړنیو موضوعاتو لپاره مهربانی وکړی لاندی شمیری سره اړیکه ونیسی.

سفارت ته در راتلو نه مخکی 00911126875686 شمیری سره تماس

د دوشنبه په ورځ له غرمې وروسته په نوي ډیلي کې د افغانستان د لوی سفارت فرهنګي اتشې اجمل عالم زي د هند د مالوماتواو نشراتو وزارت د مرستیالې اغلې کلیاني سره د ۱۳۹۹هجري شمسي کال  د نوروزد جشن په اړه د اغلې د کار په دفتر کې وکتل .
د دغه لیدنې موخه د هند او افغانستان ترمېنځ د فرهنګي اړیکو پیا وړتیا، پراختیا او په هند کې د افغانستان د لوی سفارت لخوا د ۲۰۲۰ کال کې له هند سره د ګډو برنامو پلی کول و. همداغه راز په دې لیدنه کې د سفارت فرهنګي اتشي اجمل عالم زي په نوي ډیلي کې د افغان کډوالو او محصلینو لپاره د جشن جوړلو یادونه وشوه عالم زي دهند د نشراتو له وزارت څخه ددغه جشن لپاره د سیري فورټ اډیتوریم غوښتنه وکړه تر څو د ۱۳۹۹ کال د نوروز فرهنګي جشن دروان میلادي کال د مارچ په (۲۰مه) چې د ۱۳۹۹ کال د وري له لومړۍ نیټې سره برابره ده ولمانځل شی .
د سفارت فرهنګي اتشې اجمل عالم زي وویل سږ کال به د نوروز په دغه جشن کې شاوخوا درې زره افغان کډوال او محصلین د افغانستان د موسیقي راډیو تلویزیون (AMC ) په همکار او د کام ایر هوایي شرکت په مالي مرسته په دغه جشن کې پراخه ونډه ولري. د ده په وینا په دغه جشن کې د نورو فرهنګي خپرونو ترڅنګ د (AMC ) تلویزیون لخوا به دافغانې ، هندي او تاجکي سندرغاړو ګډ شانداره کنسرت افغانانو ته وړاندې شي.
لدې وړاندې هم د افغانستان په سفارت کې د فرهنګي اتشې په نوښت په مناسبتي فرهنګي غونډو کې افغان کډوالو او محصلینوته په بیلابیلو فرهنګي مراسمو کې په پراخه کچه ونډه ورکړی شوي وه .

د سویلي آسیا د ځوانانو فرهنګي فيستيوال د هند په کورکشترا پوهنتون کې د روان کال د کب میاشتې په ۷ مه نیټې پرانستل شو. په پرانیستغونډه کې په نوي ډیلي کې د افغانستان اسلامي جهموریت لوی سفارت تحصیلي اتشه ښاغلي صدیق الله سحر، فرهنګي اتشه ښاغلي اجمل عالم زي، ځینو افغان محصلینو او یو شمیر افغان ګډوال د یاد فیستیول په دیارلسم دور کې ګډون وکړو.

په یاد فیستیوال کې د افغانستان ، بنګله دیش، هند ، سریلانکا، مالډیف ، میانمار، نیپال او موریشس کلتوري ډلو حضور درلود چې په خپل ګډون سره د خپلو هېوادونو بېلا بېل کلتوري پروګرامونه نندارې ته وړاندي کړل په ترڅ کې د افغانانو کلتوري ننداره له خورا تود هرکلی سره مخامخ شو.
په دې پروګرام کې د هند په کابینه کې د صنایعو چارو او ټولنیزو تصدیو وزیر ښاغلی ارجون رام میګهوال د ځانګړي میلمه او د افغانستان د لوي سفارت تحصیلي اتشه ښاغلي صدیق الله سحر ، فرهنګي اتشه ښاغلي اجمل عالم زي د افتخاري میلمنو په توګه برخه درلوده، همدارنګه په فرهنګي فیسټیوال کې ګڼ شمیر هندي محصلینو او د بیلابیلو پوهنتونونو استادانو او فرهنګي شخصیتونو ونډه درلوده چې د یاد پوهنتون د مشرتابه لخوا یی هرکلی وشو.
د افغانستان لوي سفارت تحصیلي اتشې د فستیوال په پرانستغونډه کې په خپل وینا کې افغان محصلینو سره د هند مرستي وستایلې او په بیلا بیلو برخو کې د دې هیواد مرستې د دواړو هیوادونو د خلکو ترمینځ د اړیکو په ټینګولو کې یو ستر ګام یاد کړ ، همدارنګه نومړي زیاته کړه چې د هند په مرسته د افغان محصیلنو روزنه د افغانستان په پرمختک او وده کې ستر رول لوبوي.
د فیستیوال په ورستیو شیبو کې، ښاغلي سحر او ښاغلي عالمزی ګڼ شمیر افغان زده کړیالانو سره ولیدل او د دوی ستونزې، ننګونې او وړاندیزونه یې وواریدل او د حل لپاره ډاډ څرګند کړ.

15 کب 1398

د پنجشنبی  په ورځ له غرمې وروسته په نوي ډیلي کې د افغانستان د لوی سفارت فرهنګي اتشې اجمل عالم زي د هند د مالوماتواو نشراتو وزارت له وزیر ښاغلی (پرکاش جافیدکار) سره د نوموړی په کاری دفتر کې ولیدل.

 ددې لیدنۍ هدف د دواړو هيوادونو تر منځ د سينما ګډه فرهنګي اونۍ جوړول و. د یاد ناستی د بحث عمده ټکي د دواړو هيوادونو نشراتي ، فرهنګي همکاريو او د هند او افغانستان تر منځ د فرهنګي برنامو تقويه کول په ګوته شوې.

 د هند  د مالوماتو او نشراتو وزیر ښاغلي (پرکاش جافیدکار) د پراخو همکاريو ژمنه وکړه او په نوي ډيلي کې يې د افغانستان د لوي سفارت لخوا د دواړو هیوادونو د سینما ګډې  فرهنګې اونۍ طرحه  وستایله او دایې د دواړو هیوادونو لپاره د سینما په برخه کې یو سترګام وباله.

  د سفارت فرهنګي اتشه اجمل عالم زی  وایي د افغانستان  لوی سفارت فرهنګي څانګي د کلني پلان له مخي ( تصمیم لرو چې سږکال د دواړو هیوادو نو ترمنېځ په لوړه کچه د سینما ګډه فرهنګي اونۍ جوړه کړو) نوموړی زیاته کړه دا فرهنګي اونۍ به د افغانستان د اطلاعاتو او فرهنګ د وزیرې حسینه صافۍ او د هند دمالوماتو او نشراتو د وزیر ښاغلي (پرکاش جافیدکار)  لخوا د ځانګړو مراسمو په ترڅ کې  پرانیستل شی، په همدې توګه به په دې پروګرام کې د دواړو هیوادونو سینمایي ستوري، مشهور ډایرکټران ، سناریو لیکونکې او د سینما د صنعت مینوال ونډه ولری.

 اجمل عالم زی وړاندې وایې په دې پروګرام کې به د نورو فرهنګي برنامو ترڅنګ د دواړو هیوادونو هنري  فلمونه زرګونو ګډون والو ته  د یوي اونۍ  په اوږدو کې نندارې ته  وړاندې شي .

عالم زي ددې فرهنګي اونۍ موخه د دواړو هیوادونو ترمنځ د سینما په برخه کې د اړیکو پیا وړتیا او د دواړو هیوادونو ترمنځ د ګډو فلمونو جوړل په ګوته کړل.

د یا دولو وړ ده چې د هند او افغانستان ترمنځ له لمړنۍ ګډې فرهنګي اونۍ  را وروسته په تیرو دو کلو کې دا دوهمه فرهنګي  اونۍ ده چې د افغانستان او هند لخوا  په لویه کچه جوړو یږی.

په نوي ډيلي کې د افغانستان اسلامي جمهوریت لوی سفارت شارژدافیر، ښاغلي طاهر قادري نن ورځ له غرمې مخکې د روان کال د لیندۍ میاشتې په ۱۳ مه نېټه د سید جمال الدین افغان لیسې څخه چې د افغانستان د پوهنې محترم وزارت او د سفارت په همکارۍ سره رسمې چارې پر مخ ځي د ۱۳۹۸ تعلیمي کال څلور نیم میاشتنۍ ازموینې د پیل بهیر څخه د ښوونځي د مسؤلینو په ملتیا سره لیدنه وکړه. د لیدنې په سر کې ښاغلي قادري د لېسې له مدیرې میرمن سنیه فدا تاج سره د ښوونځي په اړونده ستونزو، ننګونو او د هغو لپاره د حل لارې موندلو او همدارنګه د ښوونځي پر پرمختک او د ښوونیز نصاب پر ښه کیفیت لرلو خبري اتري وکړي. د ښوونځي مدیرې د سفارت له ښارژدافیر او د ښونیزو چارو مسؤل څخه هیله وکړه چې د پوهني وزارت په همغږۍ سره د ښوونځي ستونزو او وړاندیزونو ته پاملرنه باید وشي تر څو د زده کوونکو او ښوونکو په تعلیمي چارو پرمخ بيولو کې روغوالۍ او آسانتیاوې را منځ ته شي.

دواړه لورې په دې ټینکار وکړو چې باید په ګډه سره په هند کې میشتو افغان زده کوونکو لپاره لا ډیر د پوهني په ډګر کې آسانتیاوي را منځ ته شي چې وکولای شوو دوی ته د پوهني له لارې یو روښانه راتلونکي ور پـه برخه کړو.
وروسته، ښاغلي قادري د ښوونځي له ادارې او ښوونکو څخه په ډیلي کې د میشتو ګډوالي کورنیو بچیانو ته د پوهني په ډګر کې د خدمت کولو ستاینه او مننه وکړه او داسې څرګنډه کړه، " د سید جمال الدین افغان ښوونځي ستونزو هوارولو او پراختیا ته پاملرنه زما د اړینو چارو په لومړیتوب کې ځای لري او د یاد ښوونځي تعلیمي چارو رغوني او پراختیا ته به د پوهني محترم وزارت په همغږۍ سره دوام ورکوو." نوموړي زیاته کړه، " د ټولو ممکنه لارو څخه به کار واخلم تر څو په ګډه سره وکولای شوو چې افغان میشتو ګډوالو کورنیو بچیانو ته د پوهني له لارې یو روښانه راتلونکۍ وټاکو، که چیرې په دغه ډګر کې هلې ځلې و نه کړو نه خداي مه کړه یو نسل به د پوهنې له نعمت څخه محروم شي."

د لیدنې په وروستیو شیبو کې، ښاغلي قادري د سفارت د تحصیلي څانګې مسؤل ښاغلي احمد فیروز صالح، د مطبوعاتو څانګې مسؤل ښاغلی عبدالحق آزاد، د لېسې له مدیرې سره او ځینو ښوونکو په ملتیا د ښوونځي بېلابېلو ټولګیو د آزمویني له بهیر څخه لیدنه او د زده کوونکو سره د زړه خواله وکړه چې په ترڅ کې ځینو زده کوونکو خپلې نیوکې، وړاندیزونه او ستونزي د ښاغلي قادري په حضور کې وړاندي کړل.